ಜಾಗ್ರತ ಪಂಚಕಮ್

|| ಜಾಗ್ರತ ಪಂಚಕಮ್ ||

ಮಾತಾ ನಾಸ್ತಿ ಪಿತಾ ನಾಸ್ತಿ 

ನಾಸ್ತಿ ಬಂಧುಃ ಸಹೋದರಃ ।

ಅರ್ಥಂ ನಾಸ್ತಿ ಗೃಹಂ ನಾಸ್ತಿ 

ತಸ್ಮಾತ್ ಜಾಗ್ರತ ಜಾಗ್ರತ ॥ 1 ॥

ಜನ್ಮ ದುಃಖಂ ಜರಾ ದುಃಖಂ 

ಜಾಯಾ ದುಃಖಂ ಪುನಃ ಪುನಃ ।

ಸಂಸಾರ ಸಾಗರಂ ದುಃಖಂ 

ತಸ್ಮಾತ್ ಜಾಗ್ರತ ಜಾಗ್ರತ ॥ 2 ॥

ಕಾಮಃ ಕ್ರೋಧಶ್ಚ ಲೋಭಶ್ಚ 

ದೇಹೇ ತಿಷ್ಠಂತಿ ತಸ್ಕರಾಃ ।

ಜ್ಞಾನರತ್ನಾಪಹಾರಾಯ 

ತಸ್ಮಾತ್ ಜಾಗ್ರತ ಜಾಗ್ರತ ॥ 3 ॥|

ಆಶಯಾ ಬಧ್ಯತೇ ಲೋಕಃ 

ಕರ್ಮಣಾ ಬಹುಚಿಂತಯಾ ।

ಆಯುಃ ಕ್ಷೀಣಂ ನ ಜಾನಾತಿ 

ತಸ್ಮಾತ್ ಜಾಗ್ರತ ಜಾಗ್ರತ ॥ 4 ॥ 

ಸಂಪದಃ ಸ್ವಪ್ನಸಂಕಾಶಾಃ 

ಯೌವನಂ ಕುಸುಮೋಪಮಮ್ ।

ವಿದ್ಯುಚ್ಚಂಚಲಮಾಯುಷ್ಯಂ 

ತಸ್ಮಾತ್ ಜಾಗ್ರತ ಜಾಗ್ರತ ॥ 5 ॥

ಕ್ಷಣಂ ವಿತ್ತಂ ಕ್ಷಣಂ ಚಿತ್ತಂ 

ಕ್ಷಣಂ ಜೀವಿತಮೇವ ಚ ।

ಯಮಸ್ಯ ಕರುಣಾ ನಾಸ್ತಿ 

ತಸ್ಮಾತ್ ಜಾಗ್ರತ ಜಾಗ್ರತ ॥ 6 ॥

ಅನಿತ್ಯಾನಿ ಶರೀರಾಣಿ 

ವಿಭವೋ ನೈವ ಶಾಶ್ವತಾಃ ।

ನಿತ್ಯಂ ಸನ್ನಿಹಿತೋ ಮೃತ್ಯು 

ತಸ್ಮಾತ್ ಜಾಗ್ರತ ಜಾಗ್ರತ ॥ 7 ॥