गोष्ठेश्वराष्टकम् : ಗೋಷ್ಠೇಶ್ವರಾಷ್ಟಕಮ್ : goShTheshvarAShTakam

ಈ ಹಾಡನ್ನು ಬರಹದಲ್ಲಿ ಪಡೆಯರಿ Click To Download the Lyrics in Baraha

॥ गोष्ठेश्वराष्टकम् ॥

सत्यज्ञानमनन्तमद्वयसुखाकारं गुहान्तःस्थित-
श्रीचिद्व्योम्नि चिदर्करूपममलं यद् ब्रह्म तत्त्वं परम् ।
निर्बीजस्थलमध्यभागविलसद्गोष्ठोत्थवल्मीक-
सम्भूतं सत् पुरतो विभात्यहह तद्गोष्ठेशलिङ्गात्मना        ॥१॥

सर्वज्ञत्वनिदानभूतकरुणामूर्तिस्वरूपामला
चिच्छक्तिर्जडशक्तिकैतववशात् काञ्चीनदीत्वं गता ।
वल्मीकाश्रयगोष्ठनायकपरब्रह्मैक्यकर्त्री मुहुः
नृणां स्नानकृतां विभाति सततं श्रीपिप्पिलारण्यगा        ॥२॥

श्रीमद्राजतशैलशृङ्गविलसच्छ्रीमद्गुहायां मही-
वार्वह्न्याशुगखात्मिकी विजयते या पञ्चलिङ्गाकृतिः ।
सैवाशक्तजनेषु भूरिकृपया श्रीपिप्पिलारण्यगे
वल्मीके किल गोष्ठनायकमहालिङ्गात्मना भासते        ॥३॥

यत्राद्याप्यणिमादिसिद्धिनिपुणाः सिद्धेश्वराणां गणाः
तत्तद्दिव्यगुहासु सन्ति यमिदृग्दृश्या महावैभवाः ।
यत्रैव ध्वनिरर्धरात्रसमये पुण्यात्मभिः श्रूयते
पूजावाद्यसमुत्थितः सुमनसां तं राजताद्रिं भजे        ॥४॥

श्रीमद्राजतपर्वताकृतिधरस्यार्धेन्दुचूडामणे-
र्लोमैकं किल वामकर्णजनितं काञ्चीतरुत्वं गतम् ।
तस्मादुत्तरवाहिनी भुवि भवान्याख्या ततः पूर्वगा
काञ्चीनद्यभिधा च पश्चिमगता निलानदी पावनी        ॥५॥

श्रीमद्भार्गवहस्तलग्नपरशुव्याघट्टनाद् दारिते
क्षोणीध्रे सति वामदक्षिणगिरिद्वन्द्वात्मना भेदिते ।
तन्मध्यप्रथिते विदारधरणीभागेतिनद्याश्रये
सा नीलातटिनी पुनाति हि सदा कल्पादिगान् प्राणिनः    ॥६॥

कल्पादिस्थलमध्यभागनिलये श्रीविश्वनाथाभिधे
लिङ्गे पिप्पिलकाननान्तरगतश्रीगोष्ठनाथाभिधः ।
श्रीशम्भुः करुणानिधिः प्रकुरुते सांनिध्यमन्यादृशं
तत्पत्नी च विराजतेऽत्र तु विशालाक्षीति नामाङ्किता        ॥७॥

श्रीकाञ्चीतरुमूलपावनतलं भ्राजत्त्रिवेण्युद्भवं
त्यक्त्वान्यत्र विधातुमिच्छति मुहुर्यस्तीर्थयात्रादिकम् ।
सोऽयं हस्तगतं विहाय कुधिया शाखाग्रलीनं वृथा
यष्ट्या ताडितुमीहते जडमतिर्निःसारतुच्छं फलम्        ॥८॥

श्रीमद्राजतशैलोत्थत्रिवेणीमहिमाङ्कितम् ।
गोष्ठेश्वराष्टकमिदं सारज्ञैरवलोक्यताम्            ॥९॥

॥ इति गोष्ठेश्वराष्टकं सम्पूर्णम् ॥

|| ಗೋಷ್ಠೇಶ್ವರಾಷ್ಟಕಮ್ ||

ಸತ್ಯಜ್ಞಾನಮನಂತಮದ್ವಯಸುಖಾಕಾರಂ ಗುಹಾಂತಃಸ್ಥಿತ-
ಶ್ರೀಚಿದ್ವ್ಯೋಮ್ನಿ ಚಿದರ್ಕರೂಪಮಮಲಂ ಯದ್ ಬ್ರಹ್ಮ ತತ್ತ್ವಂ ಪರಮ್ |
ನಿರ್ಬೀಜಸ್ಥಲಮಧ್ಯಭಾಗವಿಲಸದ್ಗೋಷ್ಠೋತ್ಥವಲ್ಮೀಕ-
ಸಮ್ಭೂತಂ ಸತ್ ಪುರತೋ ವಿಭಾತ್ಯಹಹ ತದ್ಗೋಷ್ಠೇಶಲಿಂಗಾತ್ಮನಾ        ||೧||

ಸರ್ವಜ್ಞತ್ವನಿದಾನಭೂತಕರುಣಾಮೂರ್ತಿಸ್ವರೂಪಾಮಲಾ
ಚಿಚ್ಛಕ್ತಿರ್ಜಡಶಕ್ತಿಕೈತವವಶಾತ್ ಕಾಂಚೀನದೀತ್ವಂ ಗತಾ |
ವಲ್ಮೀಕಾಶ್ರಯಗೋಷ್ಠನಾಯಕಪರಬ್ರಹ್ಮೈಕ್ಯಕರ್ತ್ರೀ ಮುಹುಃ
ನೃಣಾಂ ಸ್ನಾನಕೃತಾಂ ವಿಭಾತಿ ಸತತಂ ಶ್ರೀಪಿಪ್ಪಿಲಾರಣ್ಯಗಾ            ||೨||

ಶ್ರೀಮದ್ರಾಜತಶೈಲಶೃಂಗವಿಲಸಚ್ಛ್ರೀಮದ್ಗುಹಾಯಾಂ ಮಹೀ-
ವಾರ್ವಹ್ನ್ಯಾಶುಗಖಾತ್ಮಿಕೀ ವಿಜಯತೇ ಯಾ ಪಂಚಲಿಂಗಾಕೃತಿಃ |
ಸೈವಾಶಕ್ತಜನೇಷು ಭೂರಿಕೃಪಯಾ ಶ್ರೀಪಿಪ್ಪಿಲಾರಣ್ಯಗೇ
ವಲ್ಮೀಕೇ ಕಿಲ ಗೋಷ್ಠನಾಯಕಮಹಾಲಿಂಗಾತ್ಮನಾ ಭಾಸತೇ            ||೩||

ಯತ್ರಾದ್ಯಾಪ್ಯಣಿಮಾದಿಸಿದ್ಧಿನಿಪುಣಾಃ ಸಿದ್ಧೇಶ್ವರಾಣಾಂ ಗಣಾಃ
ತತ್ತದ್ದಿವ್ಯಗುಹಾಸು ಸಂತಿ ಯಮಿದೃಗ್ದೃಶ್ಯಾ ಮಹಾವೈಭವಾಃ |
ಯತ್ರೈವ ಧ್ವನಿರರ್ಧರಾತ್ರಸಮಯೇ ಪುಣ್ಯಾತ್ಮಭಿಃ ಶ್ರೂಯತೇ
ಪೂಜಾವಾದ್ಯಸಮುತ್ಥಿತಃ ಸುಮನಸಾಂ ತಂ ರಾಜತಾದ್ರಿಂ ಭಜೇ        ||೪||

ಶ್ರೀಮದ್ರಾಜತಪರ್ವತಾಕೃತಿಧರಸ್ಯಾರ್ಧೇಂದುಚೂಡಾಮಣೇ-
ರ್ಲೋಮೈಕಂ ಕಿಲ ವಾಮಕರ್ಣಜನಿತಂ ಕಾಂಚೀತರುತ್ವಂ ಗತಮ್ |
ತಸ್ಮಾದುತ್ತರವಾಹಿನೀ ಭುವಿ ಭವಾನ್ಯಾಖ್ಯಾ ತತಃ ಪೂರ್ವಗಾ
ಕಾಂಚೀನದ್ಯಭಿಧಾ ಚ ಪಶ್ಚಿಮಗತಾ ನಿಲಾನದೀ ಪಾವನೀ            ||೫||

ಶ್ರೀಮದ್ಭಾರ್ಗವಹಸ್ತಲಗ್ನಪರಶುವ್ಯಾಘಟ್ಟನಾದ್ ದಾರಿತೇ
ಕ್ಷೋಣೀಧ್ರೇ ಸತಿ ವಾಮದಕ್ಷಿಣಗಿರಿದ್ವಂದ್ವಾತ್ಮನಾ ಭೇದಿತೇ |
ತನ್ಮಧ್ಯಪ್ರಥಿತೇ ವಿದಾರಧರಣೀಭಾಗೇತಿನದ್ಯಾಶ್ರಯೇ
ಸಾ ನೀಲಾತಟಿನೀ ಪುನಾತಿ ಹಿ ಸದಾ ಕಲ್ಪಾದಿಗಾನ್ ಪ್ರಾಣಿನಃ        ||೬||

ಕಲ್ಪಾದಿಸ್ಥಲಮಧ್ಯಭಾಗನಿಲಯೇ ಶ್ರೀವಿಶ್ವನಾಥಾಭಿಧೇ
ಲಿಂಗೇ ಪಿಪ್ಪಿಲಕಾನನಾಂತರಗತಶ್ರೀಗೋಷ್ಠನಾಥಾಭಿಧಃ |
ಶ್ರೀಶಂಭುಃ ಕರುಣಾನಿಧಿಃ ಪ್ರಕುರುತೇ ಸಾಂನಿಧ್ಯಮನ್ಯಾದೃಶಂ
ತತ್ಪತ್ನೀ ಚ ವಿರಾಜತೇऽತ್ರ ತು ವಿಶಾಲಾಕ್ಷೀತಿ ನಾಮಾಂಕಿತಾ            ||೭||

ಶ್ರೀಕಾಂಚೀತರುಮೂಲಪಾವನತಲಂ ಭ್ರಾಜತ್ತ್ರಿವೇಣ್ಯುದ್ಭವಂ
ತ್ಯಕ್ತ್ವಾನ್ಯತ್ರ ವಿಧಾತುಮಿಚ್ಛತಿ ಮುಹುರ್ಯಸ್ತೀರ್ಥಯಾತ್ರಾದಿಕಮ್ |
ಸೋऽಯಂ ಹಸ್ತಗತಂ ವಿಹಾಯ ಕುಧಿಯಾ ಶಾಖಾಗ್ರಲೀನಂ ವೃಥಾ
ಯಷ್ಟ್ಯಾ ತಾಡಿತುಮೀಹತೇ ಜಡಮತಿರ್ನಿಃಸಾರತುಚ್ಛಂ ಫಲಮ್        ||೮||

ಶ್ರೀಮದ್ರಾಜತಶೈಲೋತ್ಥತ್ರಿವೇಣೀಮಹಿಮಾಂಕಿತಮ್ |
ಗೋಷ್ಠೇಶ್ವರಾಷ್ಟಕಮಿದಂ ಸಾರಜ್ಞೈರವಲೋಕ್ಯತಾಮ್            ||೯||

|| ಇತಿ ಗೋಷ್ಠೇಶ್ವರಾಷ್ಟಕಂ ಸಂಪೂರ್ಣಮ್ ||

|| goShTheshvarAShTakam ||

satyaj~jAnamanantamadvayasukhAkAraM guhAntaHsthita-
shrIcidvyomni cidarkarUpamamalaM yad brahma tattvaM param |
nirbIjasthalamadhyabhAgavilasadgoShThotthavalmIka-
sambhUtaM sat purato vibhAtyahaha tadgoShTheshali~ggAtmanA        ||1||

sarvaj~jatvanidAnabhUtakaruNAmUrtisvarUpAmalA
cicCaktirjaDashaktikaitavavashAt kA~jcInadItvaM gatA |
valmIkAshrayagoShThanAyakaparabrahmaikyakartrI muhuH
nRuNAM snAnakRutAM vibhAti satataM shrIpippilAraNyagA        ||2||

shrImadrAjatashailashRu~ggavilasacCrImadguhAyAM mahI-
vArvahnyAshugakhAtmikI vijayate yA pa~jcali~ggAkRutiH |
saivAshaktajaneShu bhUrikRupayA shrIpippilAraNyage
valmIke kila goShThanAyakamahAli~ggAtmanA bhAsate        ||3||

yatrAdyApyaNimAdisiddhinipuNAH siddheshvarANAM gaNAH
tattaddivyaguhAsu santi yamidRugdRushyA mahAvaibhavAH |
yatraiva dhvanirardharAtrasamaye puNyAtmabhiH shrUyate
pUjAvAdyasamutthitaH sumanasAM taM rAjatAdriM bhaje        ||4||

shrImadrAjataparvatAkRutidharasyArdhenducUDAmaNe-
rlomaikaM kila vAmakarNajanitaM kA~jcItarutvaM gatam |
tasmAduttaravAhinI bhuvi bhavAnyAkhyA tataH pUrvagA
kA~jcInadyabhidhA ca pashcimagatA nilAnadI pAvanI        ||5||

shrImadbhArgavahastalagnaparashuvyAghaTTanAd dArite
kShoNIdhre sati vAmadakShiNagiridvandvAtmanA bhedite |
tanmadhyaprathite vidAradharaNIbhAgetinadyAshraye
sA nIlAtaTinI punAti hi sadA kalpAdigAn prANinaH    ||6||

kalpAdisthalamadhyabhAganilaye shrIvishvanAthAbhidhe
li~gge pippilakAnanAntaragatashrIgoShThanAthAbhidhaH |
shrIshambhuH karuNAnidhiH prakurute sAMnidhyamanyAdRushaM
tatpatnI ca virAjate&tra tu vishAlAkShIti nAmA~gkitA        ||7||

shrIkA~jcItarumUlapAvanatalaM bhrAjattriveNyudbhavaM
tyaktvAnyatra vidhAtumicCati muhuryastIrthayAtrAdikam |
so&yaM hastagataM vihAya kudhiyA shAkhAgralInaM vRuthA
yaShTyA tADitumIhate jaDamatirniHsAratucCaM phalam        ||8||

shrImadrAjatashailotthatriveNImahimA~gkitam |
goShTheshvarAShTakamidaM sAraj~jairavalokyatAm            ||9||

|| iti goShTheshvarAShTakaM sampUrNam ||