ಶ್ರೀ ಕೃಷ್ಣಾಷ್ಟೋತ್ತರ ಶತನಾಮಾವಳಿ
ಶ್ರೀ ಕೃಷ್ಣಃ ಕಮಲಾನಾಥೋ ವಾಸುದೇವಃ ಸನಾತನಃ |
ವಸುದೇವಾತ್ಮಜಃ ಪುಣ್ಯೋ ಲೀಲಾಮಾನುಷವಿಗ್ರಹಃ ||೧||
ಶ್ರೀವತ್ಸಕೌಸ್ತುಭಧರೋ ಯಶೋದಾವತ್ಸಲೋ ಹರಿಃ |
ಚತುರ್ಭುಜಾತ್ತಚಕ್ರಾಸಿಗಧಾಶಂಖಾದ್ಯುದಾಯುಧಃ ||೨||
ದೇವಕೀನಂದನಃ ಶ್ರೀಶೋ ನಂದಗೋಪಪ್ರಿಯಾತ್ಮಜಃ |
ಯಮುನಾವೇಗಸಂಹಾರೋ ಬಲಭದ್ರಪ್ರಿಯಾನುಜಃ ||೩||
ಪೂತನಾಜೀವಿತಹರಃ ಶಕಟಾಸುರಭಂಜನಃ |
ನಂದವ್ರಜಜನಾನಂದಃ ಸಚ್ಚಿದಾನಂದವಿಗ್ರಹಃ ||೪||
ನವನೀತನವಾಹಾರೀ ಮುಚುಕುಂದಪ್ರಸಾದಕಃ |
ಷೋಡಶಸ್ತ್ರೀ ಸಹಸ್ರೇಶಸ್ತ್ರಿಭಂಗೋ ಮಧುರಾಕೃತಿ: ||೫||
ಶುಕವಾಗಮೃತಾಬ್ಧೀ೦ದುರ್ಗೋವಿಂದೋ ಗೋವಿಂದಾಂ ಪತಿ: |
ವತ್ಸವಾಟೀಚರೋಽನಂತೋ ಧೇನುಕಾಸುರಭಂಜನಃ ||೬||
ತೃಣೀಕೃತತೃಣಾವರ್ತೋ ಯಮಲಾರ್ಜುನಭಂಜನಃ |
ಉತ್ತಾಲತಾಲಭೇತ್ತಾ ಚ ತಮಾಲಶ್ಯಾಮಲಾಕೃತಿ: ||೭||
ಗೋಪಗೋಪಿಶ್ವರೋ ಯೋಗೀ ಸೂರ್ಯಕೋಟಿಸಮಪ್ರಭಃ |
ಇಲಾಪತಿ: ಪರಂಜ್ಯೋತಿರ್ಯಾದವೇ೦ದ್ರೋ ಯದೂದ್ವಹಃ ||೮||
ವನಮಾಲೀ ಪೀತವಾಸಾಃ ಪಾರಿಜಾತಪಹಾರಕಾಃ |
ಗೋವರ್ಧನಾಚಲೋದ್ಧರ್ತಾ ಗೋಪಾಲಃ ಸರ್ವಪಾಲಕಃ ||೯||
ಅಜೋ ನಿರಂಜನಃ ಕಾಮಜನಕಃ ಕಂಜಲೋಚನಃ |
ಮಧುಹಾ ಮಧುರಾನಾಥೋ ದ್ವಾರಕಾನಾಯಕೋ ಬಲೀ ||೧೦||
ವೃಂದಾವನಾಂತಃ ಸಂಚಾರೀ ತುಲಸೀಧಾಮಭೂಷಣಃ |
ಸ್ಯಮಂತಕಮಣೇರ್ಹರ್ತಾ ನರನಾರಾಯಣಾತ್ಮಕಃ ||೧೧||
ಕುಬ್ಜಾಕೃಷ್ಣಾಂಬರಧರೋ ಮಾಯೀ ಪರಮಪೂರುಷಃ |
ಮುಷ್ಟಿಕಾಸುರಚಾಣೂರಮಲ್ಲಯುದ್ಧ ವಿಶಾರದಃ ||೧೨||
ಸಂಸಾರವೈರಿ ಕಂಸಾರಿರ್ಮುರಾರಿರ್ನರಕಾಂತಕಃ |
ಅನಾದಿಬ್ರಹ್ಮಚಾರೀ ಚ ಕೃಷ್ಣಾವ್ಯಸನಕರ್ಷಕಃ ||೧೩||
ಶಿಶುಪಾಲ ಶಿರಶ್ಚೇತ್ತಾ ದುರ್ಯೋಧನಕುಲಾಂತಕಃ |
ವಿದುರಾಕ್ರೂರವದೋ ವಿಶ್ವರೂಪಪ್ರದರ್ಶಕಃ ||೧೪||
ಸತ್ಯವಾಕ್ ಸತ್ಯಸಂಕಲ್ಪಃ ಸತ್ಯಭಾಮಾರತೋ ಜಯೀ |
ಸುಭಾದ್ರಾಪೂರ್ವಜೋ ವಿಷ್ಣುರ್ಭೀಷ್ಮಮುಕ್ತಿಪ್ರದಾಯಕಃ ||೧೫||
ಜಗದ್ಗುರುರ್ಜಗನ್ನಾಥೋ ವೇಣುನಾದವಿಶಾರದಃ |
ವೃಷಭಾಸುರವಿಧ್ವಂಸೀ ಬಾಣಾಸುರಕರಾಂತಕಃ ||೧೬||
ಯುಧಿಷ್ಠಿರಪ್ರತಿಷ್ಟಾತಾ ಬರ್ಹಿಬರ್ಹಾವಸಂತಕಃ |
ಪಾರ್ಥಸಾರಥಿರವ್ಯಕ್ತೋ ಗೀತಾಮೃತಮಹೋಧಧಿ: ||೧೭||
ಕಾಲೀಯಫಣಮಾಣಿಕ್ಯರಂಜಿತಶ್ರೀಪದಾಂಬುಜಃ |
ದಾಮೋದರೋ ಯಜ್ಞಭೋಕ್ತಾ ದಾನವೇಂದ್ರವಿನಾಶನಃ ||೧೮||
ನಾರಾಯಣಃ ಪರಂಬ್ರಹ್ಮ ಪನ್ನಗಾಶನವಾಹನಃ |
ಜಲಕ್ರೀಡಾಸಮಾಸಕ್ತ ಗೊಪೀವಸ್ತ್ರಪಹಾರಕಃ ||೧೯||
ಪುಣ್ಯಶ್ಲೋಕಸ್ತೀರ್ಥಕರೋ ವೇದವೇದ್ಯೋ ದಯಾನಿಧಿ: |
ಸರ್ವತೀರ್ಥಾತ್ಮಕಃ ಸರ್ವಗ್ರಹರೂಪೀ ಪರಾತ್ಪರಃ ||೨೦||
ಇತ್ಯೇವಂ ಶ್ರೀಕೃಷ್ಣದೇವಸ್ಯ ನಾಮ್ನಾಮಷ್ಟೋತ್ತರಂ ಶತಮ್ |
ಕೃಷ್ಣೇನ ಕೃಷ್ಣಭಕ್ತೇನ ಶ್ರುತ್ವಾ ಗೀತಾಮೃತಂ ಪುರಾ || ೨೧||
ಸ್ತೋತ್ರಂ ಕೃಷ್ಣಪ್ರಿಯಕರಂ ಕೃತಂ ತಸ್ಮಾನ್ಮಯಾ ಪುರಾ |
ಕೃಷ್ಣನಾಮಾಮೃತಂ ನಾಮ ಪರಮಾನಂದದಾಯಕಮ್ ||೨೨||
ಅನುಪದ್ರವಂಚ ದುಃಖಘ್ನಂ ಪರಮಾಯುಷ್ಯವನಮ್ |
ದಾನಂ ಶ್ರುತಂ ತಪಸ್ತೀರ್ಥಂ ಯತ್ಕೃತಂ ತ್ವಿಹ ಜನ್ಮನಿ ||೨೩||
ಪಠತಾಂ ಶೃಣ್ವತಾಂ ಚೈವ ಕೋಟಿಕೋಟಿಗುಣಂ ಭವೇತ್ |
ಪುತ್ರಪ್ರದಮಪುತ್ರಾಣಾಗತೀನಾಂ ಗತಿಪ್ರದಮ್ ||೨೪||
ಧನಾವಹಂ ದರಿದ್ರಾಣಾಂ ಜಯೇಚ್ಚೂನಾಂ ಜಯಾವಹಂ |
ಶಿಶೂನಾಂ ಗೋಕುಲಾನಾಂ ಚ ಪುಷ್ಟಿದಂ ಮುಕ್ತಿವರ್ಧನಮ್ ||೨೫||
ವಾತಗ್ರಹ ಜ್ವರಾದೀನಾಂ ಶಮನಂ ಶಾಂತಿಮುಕ್ತಿದಮ್ |
ಸಮಸ್ತಕಾಮದಂ ಸದ್ಯಃ ಕೋಟಿಜನ್ಮಾಘನಾಶನಂ
ಅಂತೇ ಕೃಷ್ಣಸ್ಮರಣದಂ ಭವತಾಪಭಯಾಪಹಮ್ ||೨೬||
ಕೃಷ್ಣಾಯ ಯಾದವೇ೦ದ್ರಾಯ ಜ್ಞಾನಮುದ್ರಾಯ ಯೋಗಿನೇ |
ನಾಥಾಯ ರುಕ್ಮಿಣೀಶಾಯ ನಮೋ ವೇದಾಂತವೇದಿನೇ ||೨೭||
ಇಮಂ ಮಂತ್ರಂ ಮಹಾದೇವಿ ಜಪನ್ನೇವ ದಿವಾನಿಶಮ್ |
ಸರ್ವಗ್ರಹಾನುಗ್ರಹಭಾಕ್ ಸರ್ವಪ್ರಿಯತಮೋ ಭವೇತ್ ||೨೮||
ಪುತ್ರಪೌತ್ರೈ: ಪರಿವೃತಃ ಸರ್ವಸಿದ್ಧಿಸಮೃದ್ಧಿಮಾನ್ |
ನಿರ್ವಿಶ್ಯ ಭೋಗಾನಂತೇಽಪಿ ಕೃಷ್ಣಸಾಯುಜ್ಯಮಾಪ್ನುಯಾತ್||೨೯||
|| ಇತಿ ನಾರದ ಪಂಚರಾತ್ರೇ ಜನಾಮೃತಸಾರೇ ಉಮಾಮಹೇಶ್ವರ ಸಂವಾದೇ ಧರಣೀ ಶೇಷಸಂವಾದೇ ಶ್ರೀ ಕೃಷ್ಣಾಷ್ಟೋತ್ತರಶತನಾಮಸ್ತೋತ್ರಂ ||
