॥ विश्वनाथाष्टकम् ॥
गङ्गातरङ्ग रमणीय जटकलापम्
गौरी निरन्तर विभूषित वामभागम् ।
नारायण प्रिय मनङ्ग मदापहारम्
वाराणसीपुरपतिं भज विश्वनाथम् ॥१॥
वाचामगोचर मनेकगुणस्वरूपम्
वागीशविष्णु सुरसेवित पादपीठम् ।
वामेन विग्रहवरेण्य़ कलत्रवन्तम्
वाराणसीपुरपतिं भज विश्वनाथम् ॥२॥
भूताधिपं भुजग भूषण भूषिताङ्गं
व्याघ्राजिनाम्बरधरं जटिलं त्रिनेत्रम् ।
पाशाङ्कुशाभय वरप्रद शूलपाणिम्
वाराणसीपुरपतिं भज विश्वनाथम् ॥३॥
शीतांशु शोभित किरीट विराजमानम्
फालेक्षणानल विशोषित पञ्चबाणम् ।
नागाधिपारचित भासुरकर्णपूरम्
वाराणसीपुरपतिं भज विश्वनाथम् ॥४॥
पञ्चाननं दुरित मत्त मदङ्गजानाम्
नागान्तकं दनुजपुङ्गव पन्नगानाम् ।
दावानलं मरणशोक जराटवीनाम्
वाराणसीपुरपतिं भज विश्वनाथम् ॥५॥
तेजोमयं सगुण निर्गुण मद्वितीयम्
आनन्दकन्द मपराजितमप्रमेयम् ।
नागात्मकं सकलनिष्कल मात्मरूपम्
वाराणसीपुरपतिं भज विश्वनाथम् ॥६॥
रागादिदोष रहितं स्वजनानुरागम्
वैराग्य शान्ति निलयं गिरिजा सहायम् ।
माधुर्य धैर्य सुभगं गरलाभिरामम्
वाराणसीपुरपतिम् भज विश्वनाथम् ॥७॥
आशां विहाय परिहृत्य परस्य निन्दाम्
पापे रतिं च सुनिवार्य मनः समाधौ ।
आधाय हृत्कमल मध्यगतं परेशम्
वाराणसीपुरपतिं भज विश्वनाथम् ॥८॥
वाराणसी पुरपतेः स्तवनं शिवस्य
व्याख्यात मष्टकमिदं पठते मनुष्यः ।
विद्यां श्रियं विपुलसौख्यमनन्तकीर्तिम्
सम्प्राप्य देह विलये लभते च मोक्षम् ॥९॥
विश्वनाथाष्टकमिदं यः पठेच्चिव सन्निधौ ।
शिवलोकमवाप्नोति शिवेन सह मोदते ॥
॥ इति व्यासप्रणीतं श्री विश्वनाथाष्टकम् संपूर्णम् ॥
|| ವಿಶ್ವನಾಥಾಷ್ಟಕಮ್ ||
|| ವಿಶ್ವನಾಥಾಷ್ಟಕಮ್ ||
ಗಂಗಾತರಂಗ ರಮಣೀಯ ಜಟಕಲಾಪಮ್
ಗೌರೀ ನಿರಂತರ ವಿಭೂಷಿತ ವಾಮಭಾಗಮ್ |
ನಾರಾಯಣ ಪ್ರಿಯ ಮನಂಗ ಮದಾಪಹಾರಮ್
ವಾರಾಣಸೀಪುರಪತಿಂ ಭಜ ವಿಶ್ವನಾಥಮ್ ||೧||
ವಾಚಾಮಗೋಚರ ಮನೇಕಗುಣಸ್ವರೂಪಮ್
ವಾಗೀಶವಿಷ್ಣು ಸುರಸೇವಿತ ಪಾದಪೀಠಮ್ |
ವಾಮೇನ ವಿಗ್ರಹವರೇಣ್ಯ ಕಲತ್ರವಂತಮ್
ವಾರಾಣಸೀಪುರಪತಿಂ ಭಜ ವಿಶ್ವನಾಥಮ್ ||೨||
ಭೂತಾಧಿಪಂ ಭುಜಗ ಭೂಷಣ ಭೂಷಿತಾಂಗಂ
ವ್ಯಾಘ್ರಾಜಿನಾಂಬರಧರಂ ಜಟಿಲಂ ತ್ರಿನೇತ್ರಮ್ |
ಪಾಶಾಂಕುಶಾಭಯ ವರಪ್ರದ ಶೂಲಪಾಣಿಮ್
ವಾರಾಣಸೀಪುರಪತಿಂ ಭಜ ವಿಶ್ವನಾಥಮ್ ||೩||
ಶೀತಾಂಶು ಶೋಭಿತ ಕಿರೀಟ ವಿರಾಜಮಾನಮ್
ಫಾಲೇಕ್ಷಣಾನಲ ವಿಶೋಷಿತ ಪಂಚಬಾಣಮ್ |
ನಾಗಾಧಿಪಾರಚಿತ ಭಾಸುರಕರ್ಣಪೂರಮ್
ವಾರಾಣಸೀಪುರಪತಿಂ ಭಜ ವಿಶ್ವನಾಥಮ್ ||೪||
ಪಂಚಾನನಂ ದುರಿತ ಮತ್ತ ಮದಂಗಜಾನಾಮ್
ನಾಗಾಂತಕಂ ದನುಜಪುಂಗವ ಪನ್ನಗಾನಾಮ್ |
ದಾವಾನಲಂ ಮರಣಶೋಕ ಜರಾಟವೀನಾಮ್
ವಾರಾಣಸೀಪುರಪತಿಂ ಭಜ ವಿಶ್ವನಾಥಮ್ ||೫||
ತೇಜೋಮಯಂ ಸಗುಣ ನಿರ್ಗುಣ ಮದ್ವಿತೀಯಮ್
ಆನಂದಕಂದ ಮಪರಾಜಿತಮಪ್ರಮೇಯಮ್ |
ನಾಗಾತ್ಮಕಂ ಸಕಲನಿಷ್ಕಲ ಮಾತ್ಮರೂಪಮ್
ವಾರಾಣಸೀಪುರಪತಿಂ ಭಜ ವಿಶ್ವನಾಥಮ್ ||೬||
ರಾಗಾದಿದೋಷ ರಹಿತಂ ಸ್ವಜನಾನುರಾಗಮ್
ವೈರಾಗ್ಯ ಶಾಂತಿ ನಿಲಯಂ ಗಿರಿಜಾ ಸಹಾಯಮ್ |
ಮಾಧುರ್ಯ ಧೈರ್ಯ ಸುಭಗಂ ಗರಲಾಭಿರಾಮಮ್
ವಾರಾಣಸೀಪುರಪತಿಮ್ ಭಜ ವಿಶ್ವನಾಥಮ್ ||೭||
ಆಶಾಂ ವಿಹಾಯ ಪರಿಹೃತ್ಯ ಪರಸ್ಯ ನಿಂದಾಮ್
ಪಾಪೇ ರತಿಂ ಚ ಸುನಿವಾರ್ಯ ಮನಃ ಸಮಾಧೌ |
ಆಧಾಯ ಹೃತ್ಕಮಲ ಮಧ್ಯಗತಂ ಪರೇಶಮ್
ವಾರಾಣಸೀಪುರಪತಿಂ ಭಜ ವಿಶ್ವನಾಥಮ್ ||೮||
ವಾರಾಣಸೀ ಪುರಪತೇಃ ಸ್ತವನಂ ಶಿವಸ್ಯ
ವ್ಯಾಖ್ಯಾತ ಮಷ್ಟಕಮಿದಂ ಪಠತೇ ಮನುಷ್ಯಃ |
ವಿದ್ಯಾಂ ಶ್ರಿಯಂ ವಿಪುಲಸೌಖ್ಯಮನಂತಕೀರ್ತಿಮ್
ಸಂಪ್ರಾಪ್ಯ ದೇಹ ವಿಲಯೇ ಲಭತೇ ಚ ಮೋಕ್ಷಮ್ ||೯||
ವಿಶ್ವನಾಥಾಷ್ಟಕಮಿದಂ ಯಃ ಪಠೇಚ್ಚಿವ ಸನ್ನಿಧೌ |
ಶಿವಲೋಕಮವಾಪ್ನೋತಿ ಶಿವೇನ ಸಹ ಮೋದತೇ ||
|| ಇತಿ ವ್ಯಾಸಪ್ರಣೀತಂ ಶ್ರೀ ವಿಶ್ವನಾಥಾಷ್ಟಕಮ್ ಸಂಪೂರ್ಣಮ್ ||
|| vishvanAthAShTakam ||
ga~ggAtara~gga ramaNIya jaTakalApam
gaurI nirantara vibhUShita vAmabhAgam |
nArAyaNa priya mana~gga madApahAram
vArANasIpurapatiM bhaja vishvanAtham ||1||
vAchAmagochara manekaguNasvarUpam
vAgIshaviShNu surasevita pAdapITham |
vAmena vigrahavareNYa kalatravantam
vArANasIpurapatiM bhaja vishvanAtham ||2||
bhUtAdhipaM bhujaga bhUShaNa bhUShitA~ggaM
vyAghrAjinAmbaradharaM jaTilaM trinetram |
pAshA~gkushAbhaya varaprada shUlapANim
vArANasIpurapatiM bhaja vishvanAtham ||3||
shItAMshu shobhita kirITa virAjamAnam
phAlekShaNAnala vishoShita pa~jchabANam |
nAgAdhipArachita bhAsurakarNapUram
vArANasIpurapatiM bhaja vishvanAtham ||4||
pa~jchAnanaM durita matta mada~ggajAnAm
nAgAntakaM danujapu~ggava pannagAnAm |
dAvAnalaM maraNashoka jarATavInAm
vArANasIpurapatiM bhaja vishvanAtham ||5||
tejomayaM saguNa nirguNa madvitIyam
Anandakanda maparAjitamaprameyam |
nAgAtmakaM sakalaniShkala mAtmarUpam
vArANasIpurapatiM bhaja vishvanAtham ||6||
rAgAdidoSha rahitaM svajanAnurAgam
vairAgya shAnti nilayaM girijA sahAyam |
mAdhurya dhairya subhagaM garalAbhirAmam
vArANasIpurapatim bhaja vishvanAtham ||7||
AshAM vihAya parihRutya parasya nindAm
pApe ratiM cha sunivArya manaH samAdhau |
AdhAya hRutkamala madhyagataM paresham
vArANasIpurapatiM bhaja vishvanAtham ||8||
vArANasI purapateH stavanaM shivasya
vyAkhyAta maShTakamidaM paThate manuShyaH |
vidyAM shriyaM vipulasaukhyamanantakIrtim
samprApya deha vilaye labhate cha mokSham ||9||
vishvanAthAShTakamidaM yaH paThecciva sannidhau |
shivalokamavApnoti shivena saha modate ||
|| iti vyAsapraNItaM shrI vishvanAthAShTakam saMpUrNam ||
